واہیات قارئین

ہمارے دوست شاکر عزیز صاحب گلہ کرتے ہیں کہ قارئین ان کے بلاگ پر الٹی سیدھی چیزیں سرچ کرتے رہتے ہیں۔ اب انھیں کیسے بتائیں کہ صاحب۔۔۔جو کچھ میرے بلاگ پر سرچ ہوچکا ہے اس کا سکرین شاٹ اگر واضح کردوں تو بلاگنگ کے دوسرے مہینے ہی منظر ڈرامہ والوں کی طرف سے فحش ترین بلاگر بلامقابلہ منتخب ہو جاؤں۔ سکرین شاٹ تو اب میرے پاس محفوظ نہیں۔ لہذا صرف میرے حلفیہ بیان پر ہی اکتفا کرتے ہوئے قارئین کرام کی چولیں ملاحضہ فرمائیں۔

جنسی کہانیاں
گندے لطیفے
چٹختی کلیاں
گواہ لانے پر بیان
۔۔۔۔۔۔۔۔
اوپر دی گئی فہرست نامکمل ہے۔ کہ پوری فہرست واضح کرتے ہوئے نقص فحاشی کا اندیشہ ہے۔ اور چونکہ فدوی حال ہی میں سیارہ پر اترا ہے اس لیے اس سلسلے میں میرے کوئی سیکسی عزائم نہیں ہیں۔
لیکن۔۔۔
بھینس کی دم ۔۔۔ان قارئین کرام کا کیا کیا جائے جو میری خود کلامی کو فحش کلامی قرار دینے پر مُصر ہیں۔ بندہ ان قارئین کے کان کے نیچے ایک لگا کر پوچھے کہ شیدائیو!۔۔۔۔۔ تمھیں سارا انٹرنیٹ چھوڑ کر میرا بلاگ ہی ملا ہے اپنی خود لذتی کی تکمیل کے لیے؟ میں ادھر سماجی موضوعات پر تحریریں لکھ رہا ہوں نا کہ جنسی فلموں کے ریویو دے رہا ہوں۔ اور ابھی تو میں نے فلمستان پر اپنے نیک کاموں کا آغاز کیا ہی نہیں۔ لیکن یار لوگوں نے اس سے پہلے ہی میری خود کلامی پر جھاگ صاف کرنا شروع کردی ہے.

یہ ڈرامہ بازیاں میرے ساتھ بلاگنگ کے دوسرے ہفتے ہی شروع ہوگئی تھیں۔ جب بلاگر اعظم نے اردو بلاگستان والوں کو اپنے بلاگی مشاہدے سے روشناس کروایا تھا۔ وہیں کہیں میں نے ایک دوشیزہ کا ذکر کیا تھا جو اپنا مجازی خدا تلاش کر رہی تھیں۔انھیں ان کا ناخدا ملا یا نہیں ملا لیکن میرے بلاگ پر ایک نیا ہی رولا شروع ہوگیا۔
ہر قاری صاحب یا صاحبہ جو میرے بلاگ پر وارد ہوتے۔۔۔تحریر پڑھنا شروع کرتے اور درمیان میں ہی چھوڑ کر اس دوشیزہ کے لنک پر کلک کر کے دوسری طرف نکل جاتے۔ قارئین اپنے چسکے لیتے۔ ادھر وہ دوشیزہ خوشی سے پھولے نہ سماتی کہ جناب۔۔ٹریفک آرہا ہے۔ اور میں۔۔۔۔میں ادھر بیٹھا اپنے آپ کو ایک ورچوئل دلا محسوس کرتا رہ جاتا۔
حد ہو گئی یارو!
کدھر ہیں وہ جغادری۔۔جو کہتے ہیں کہ پاکستان پورنو میں اول نہیں ہے۔ پورنو چھوڑو۔۔ادھر تو لوگ اردو بلاگ کو نہیں بخشتے۔
ان تمام صاحبان جنس جن کی نفسانی خواہشات پوری نہیں ہوسکیں۔۔۔ان سے گذارش ہے کہ میرے بلاگ کی واٹ لگانا چھوڑیں اور سیدھے سیدھے عثمان کو ای میل کریں۔ قسم اللہ پاک کی ایسے ایسے لنک بتاؤں گا کہ جنہیں دیکھ کر بڈھے جوان ہو جائیں گے۔ اور عمر رسیدہ بیبیاں کہتی پھریں گی۔۔۔۔"دلبر دلبر دلبر۔۔۔۔آں۔۔۔ دلبر دلبر۔۔"